Нова апликација
Kidly е на App Store и Google Play
Нашата едукативна игра за најмалите е официјално објавена: 8 светови и 39 игри, бесплатно, без реклами, без интернет и без собирање податоци. Работи и на стари телефони и таблети.
Автор: Nikola Gjorgiev · · 4 мин. читање · 322 прегледувања

Kidly е официјално објавена на App Store и Google Play! Нашата едукативна игра за најмалите сега може бесплатно да се симне на телефон и таблет. Без реклами, без купувања во апликацијата и без собирање податоци.
Од SmileyOS до секој телефон
Kidly најпрво ја направив како апликација во SmileyOS, оперативниот систем за деца на кој работам во слободното време. Ја правев за мојот син Марин и за децата на неговата возраст: игри што учат броење, букви, форми и логика, без ништо што ги одвлекува.
Реакциите беа толку убави што решив да ја направам и како посебна апликација за телефони и таблети, за да може да ја игра секое дете, не само тие што имаат SmileyOS.
Што има внатре
Домот е остров со осум места. Секое место е посебен свет со свои игри:
Секоја игра има три нивоа, па расте заедно со детето.




Ѕвездички, балони и албум со налепници
Секое завршено ниво носи ѕвездичка, балони за пукање и подарок. Во подарокот чека нова налепница за албумот: 24 налепници на четири страници. Мала награда, но доволна детето да сака уште едно ниво.
Безбедно за децата, мирно за родителите
- Без реклами
- Без купувања во апликацијата
- Без сметка и без најава
- Работи без интернет
- Не собира никакви податоци
- Мирна музика што може да се исклучи
Работи и на стари уреди
Kidly е мала и брза. Намерно ја направивме да работи на што постари уреди: телефони и таблети со Android 5.0 или понов, и iPhone и iPad со iOS 13 или понов (iPhone 6s, iPhone SE, iPad Air 2, iPad mini 4 и понови). Стариот таблет од фиоката повторно може да стане корисен.
На македонски, англиски и албански
Јазикот се избира со еден допир на островот. Сите игри, прашања и зборови се преведени на сите три јазици.
Подолга прошетка низ Kidly
Благодарност
Голема благодарност до сите што ја тестираа бета верзијата преку TestFlight и Google Play. Ако имате забелешка или идеја, пишете ни на info@smileytech.mk. Секоја порака ја читам.
Дали ви се допадна објавата?
Споделете ја објавата
Знаете родител, наставник или училиште што треба да го прочита ова? Препратете им.


