SmileyTech е официјално компанија: од YouTube канал до регистриран стартап
На 18.11.2026, точно една година по првиот комит на SmileyOS, во Централниот регистар е регистриран ДПТУ СМАЈЛИТЕК ДООЕЛ. Како стигнавме дотука и што следува.
Официјално е. Од 18.11.2026, точно една година по првиот комит на SmileyOS, во Централниот регистар е регистриран ДПТУ СМАЈЛИТЕК ДООЕЛ.
SmileyTech веќе не е само име што го ставам на своите проекти. Сега е компанија. Ова е приказната за тоа како почна, што сè се изгради по патот и зошто амбицијата отсекогаш беше ова еден ден да стане стартап.
Сите велеа дека е невозможно. Го направив возможно: SmileyOS и SBOOK Go
Регистрирана компанијаДПТУ СМАЈЛИТЕК ДООЕЛЗапишана во Централниот регистар на 18.11.2026
Сè почна со еден YouTube канал
На 2 април 2019 отворив YouTube канал. Првото видео беше за игра на која работев со месеци, Electron. Околу една недела подоцна ја објавив првата лекција од бесплатен курс за C# на македонски.
Април 2019: првото видео на каналот, за играта Electron2020: бесплатниот курс за React на македонски
Следуваа уште курсеви: C#, Unity, JavaScript, React и HTML/CSS. Шест курсеви со повеќе од 90 лекции, сите бесплатни и сите на македонски. Денес каналот има повеќе од 170 видеа.
Паралелно со курсевите продолжив да градам и свои проекти, покрај редовната работа: навечер и за викенди. Немав компанија, немав тим и немав план на хартија. Но амбицијата беше тука од почеток: еден ден SmileyTech да биде стартап со свои производи, а не само хоби.
2 април 2019YouTube каналотПрвото видео ја покажува играта Electron. Околу една недела подоцна излегува првата лекција за C# на македонски.
2019 – 2020Бесплатни курсеви на македонскиC# и Unity во 2019, па JavaScript, React и HTML/CSS во 2020. Шест курсеви, повеќе од 90 лекции.
2020DevHelperБесплатен десктоп пакет алатки за програмери. IT.mk почнува да ја следи приказната. DevHelper →
2021Trackle.mkАпликација за следење пратки, за iOS и Android. Trackle.mk →
2025Chartly, KKSJ и ogly.mkChartly излегува на Mac App Store. Почнува работата на KKSJ и ogly.mk.
18 ноември 2025Првиот комит на SmileyOSЕден ден подоцна излегува првото видео: SmileyOS v0.1. Во декември SmileyOS 1.0 го поминува првиот тест на вистински стар лаптоп, а IT.mk ја раскажува приказната. SmileyOS 1.0 → · IT.mk ↗
2026Година на лансирањаDevHelper 2 излегува во април. Во јули Electron стигнува во продавниците, седум години по првото видео, а SmileyOS 2.0 станува образовна платформа за деца. Излегуваат и KKSJ, REKOP, Boardly и Kidly. SmileyOS 2.0 → · Boardly → · Kidly →
18 ноември 2026ДПТУ СМАЈЛИТЕК ДООЕЛSmileyTech е запишан во Централниот регистар, точно една година по првиот комит на SmileyOS.
Што сè изградивме
Секој проект ме научи нешто што подоцна ми затреба за следниот. Еве ги сите. Секоја картичка го отвора проектот.
Пред една година, на 18.11.2025, го направив првиот комит на SmileyOS. Тоа што почна како експеримент стана причината за оваа компанија: компјутер што секое семејство може да си го дозволи за своето дете.
SmileyOS денес · вистински screenshot
Денес SmileyOS 3.0 е целосен оперативен систем напишан од нула, за деца и за секого: своја работна површина, App Store, јазикот Smilium, режим за училница и родителска контрола. Без реклами и без следење.
Code Sandbox: код што се извршува линија по линијаKidly: игри за учење за најмалитеClassroom: квизови и анкети преку локална мрежаTurbo: 3D трка што ја исцртува процесорот
Со регистрацијата, SmileyOS и нашите компјутери добиваат компанија што стои зад нив.
Благодарам
Благодарност до сите што веруваа во тоа што го градам настрана од работата, и до сите следачи на LinkedIn, YouTube и Medium.
📰IT.mkГо следеа целиот пат на градење на овој бренд, од почетокот на короната до денес.
🚀Cosmic DevelopmentВидоа нешто во тоа што го градам и ја покажаа својата големина.
🤝AbysaltoИ сите колеги што ме поддржуваат. Да работам во компанија каде и по работата имам сила да градам нешто свое, со луѓе што ми даваат храброст да не се откажам, многу значи.
❤️МаријаМојата сопруга. Без нејзината поддршка, трпение и пожртвуваност, сето ова и денес ќе беше уште еден неостварен сон.
Што следува
Дотука беше полесниот пат. Се надевам дека 2027 ќе биде нешто ново за СМАЈЛИТЕК.
Планот е јасен. Прво SmileyOS на USB меморија и на microSD картичка, за компјутерите што луѓето веќе ги имаат. Потоа нашите компјутери: SBOOK Go и SBOX, а по нив SBOOK. Целта е првата верзија да биде во продавниците во 2027.
SmileyOS за PC, на USB меморијаSmileyOS за Raspberry Pi, на microSD картичкаSBOOK Go, нашиот прв лаптопSBOX, мал компјутер за телевизор
Бидете меѓу првите
Пријавете се на листата на чекање за SmileyOS: првите USB мемории и новости за нашите компјутери.